عجبا !! لأمركم يا بشـر !!
/
\

يرن الجوال من بعد ما كان مهجور
تستغرب مين المتصل ؟
تلقى رقم شخص من زمان ما كلمتو
ترد بلهفه وشوق ..


تسمع كلمة ممكن تساعدني ..
تمدلو يدكـ وتساعدو ومن بعدها ما تشوف رقمو عـ الشاشه !
يوحشك تتصل عليه .. ما تلقى اي جواب
خلص حاجتو ليش يرد ؟!
*
*
من جد عجب !!
كيف وقت الحاجه افتكرتني وبعدها ولا تعرفني ..
*
*
تلقى البنت خارجه الشارع .. صابغه وجهها بمية لون .. ولابسه عبايه كأنها فستان ..
وأول ما ترجع البيت .. تقلك : يوووه عـ الشباب ما يسيبو الواحد في حالو
مدري كم واحد رقمني .. ومدري كم واحد قلي ..
*
*
من جد عجب!!
عاتبت الشباب ونسيت شكلها كيف كان ؟!
*
*

تمر سنين ونحن أصحاب .. عند أول مشكله تحصل بيننا ..
تتغير كل الأرقام وكل العناوين .. وما تستنى حتى تفسير ..
وازا حاولت تكلمو .. يرد عليك .. بكل سهوله ومن غير تقدير لكلامو
" انت خنتني "
*
*
من جد عجب !!
كيف هانت عليه الأيام ؟!
*
*
تروح تقدم على وظيفه .. ومعاك شهاداتك وانت في قمة الحماس والفرحه ..
يقلك ما عندنا وظايف ..
أفهمها ما عندك واسطه .. روح وعلق شهاداتك على أقرب جدار
*
*
من جد عجب !!
الواسطه سارت أهم من الخبره .. ومن كل شي !!
ما لكم حق تسألو ليش نحن دايما لورا ؟!
*
*

بعد ما حبها .. وغلبو على روميو وجوليت في قصتهم ..
يقلها : حبيبتي أهلي يبغو يخطبولي !
تفرح المسكينه .. بس فرحتها ما حتطول ..
لأنو يبغى يقلها لازم يقطع علاقتو بيها .. عشان يتزوج !
ولا جيتي في بالو أصلا لما سار الموضوع جد !
*
*
من جد عجب !!
الانسان الي قدملك حياتو .. تنستغنى عنو ولا تفكر فيه !!
/
\
مممم
في أجزاء للموضوع تعبر عن واقعنا المؤلمـ ..
اي حاجه بنعيشها وبنشوفها ..
مواقف ملموسه ومؤلمه .. أتمنى تشاركونا بيها