قربو مني شوية هنا

السلام عليكم

كيفكم كلكم انشالله تكونو طيبين وبخير

انا حبيت اليوم اكلمكم عن رمضان

رمضان كريم اول شي علينا وعليكم يا رب

طيب موضوع مو بقولكم عن فضائل رمضان ومكانتو في الدين والكلام دا

لا هذا شي كلنا نعرفو لكن في اشياء ممكن بعضنا ما يعرفها وفي ناس يعرفوها بس متجاهلينها ومعطينها جنط

في الشهر دا كل الناس تحاول انها تتقرب من ربنا و بجميع العبادات صح ما اختلفنا

بس شوفو احنا اش بنسوي في رمضان

حاجات كتير المفروض نبطل نسويها في رمضان لكن للأسف الوضع عندنا الى الامام سر

بالله كيف يسير في شهر زي دا اصلي فرض واسيب فرض؟ لازم اصلي صلواتي كلها

كيف يسير اني ادخل النت ولا على الجوال اتفرج مقاطع من اللي على بالي بالكم واحنا في شهر فضيل زي دا

كيف يجي للواحد قلب انو يحش دا ويسلك دا ويتريق على خلقة دا

كيف يسير انو الواحد ينزل السوق في الليل لو ولد بس عشان يرقم ولو بنت بس عشان تستعرض قدام الشباب

كيف يسير انو الواحد يجو ابوة وامو يقولولو قوم يا ولدي صلي يقولهم خلاص بعدين ويزعق عليهم ويرفع صوتو

كيف وكيف وكيف في اشياء كتير بنسويها واحنا متجاهلين الشهر دا والخير اللي فية

انا ما اقولكم اني ما اسوي شي بالعكس انا يمكن اسوي كل الحاجات اللي فوق دي (معاد الترقيم )هع

بس خلونا نهدى شوية كدا ونحاول اننا نلحق الايام الباقية من رمضان عشان نسوي فيها الاشياء الطيبة

انا طبعا زيي زيكم سويت اغلاط كتير بس حبيت اننا نتذكر كلنا هذا الشي من باب وذكر فأن الذكرى تنفع المؤمنين

هذا كل شي عندي واتمنى اني قدرت اوصلكم المعلومة والاهم ,,, انو افتح عيونكم على حاجات ما كنتو منتبهين لها

اشكركم من كل قلبي

,,, لولا

تسلم يا عمروووص
_________________

العفو يا جيجي وشكرا على مرورك

ياليت الموضوع يتنقل في ابداعات الاعضاء لانو انا حطيتو هنا بالغلط
_________________

مررررررررهـ موضوع حلــو
عن جد احنا في شهر فضيل
بعدين ايش عندنا عشان ما نختم القران لو مره في رمضآن
الشياطين مافي
والحسنات مضآعفه
حتى مدارس ماعندنا
يسلمو لولا على الموضوع
عن جد احنا محتاجين مواضيع زي كداا
ماقصرت تقبل مروري

_________________

كل الشكر والتقدير ليكي يا امون على مرورك وتعطيرك لموضوعي بهذا الرد الجميل
_________________